Kosova lindore të dhunuar nga Serbia dhe të injoruar nga Kosova e Shqipëria!

 

Deputetja e VV Arbërie Nagavci, sot, me dy shqiptare të Luginës së Preshevës…

Nga: Arbërie Nagavci

Shqitarët këtu në Bujanoc, në Preshevë e Medvegjë, gjenden në kushte të jashtëzakonshme. Janë komuniteti që përballen çdo ditë me shkeljen e të drejtave bazike njerëzore. Qytetarët më të nëpërkëmbur në Evropë.

Në kuadër të vizitës sonë këtu, pas shkollës së Topallës, vijuam takimet me Këshillin Kombëtar Shqiptar dhe me Kryetarin e Komunës së Bujanocit.
Problemet e shqiptarëve janë të shumta, ekzistenciale. Përkrahja për ta minimale, e papërfillshme.

 

 

U mohohet e drejta për arsim bazik cilësor. S’kanë tekste mësimore në gjuhën shqipe. Detyrohen të mësojnë sipas kurrikulës sē Serbisë me të pavërteta historike e faktike.

Marrëveshjet e fushës së arsimit, të nënshkruara në Bruksel, sikurse dhe gjithë marrëveshjet tjera, nuk janë respektuar asnjëherë nga ana e Serbisë.

Të rinjve nuk u njihen diplomat andaj dhe u pamundësohet avancimi akademik dhe punësimi.

Fotografia e Medvegja

 

Me ligj është paraparë dënimi për përdorimin e simboleve kombëtare dhe shqiptarët që përdorin psh flamurin në festat e tyre mund të dënohen deri në 4000 euro.

Shteti serb në mënyrë masive po pasivizon/ fshin vendbanimet e përhershme të qytetarëve shqiptarë, gjë që pamundëson gëzimin e të drejtave të tyre civile e politike.
Papunësia është në rritje, ashtu si dhe emigrimi. Kjo pjesë po boshatiset.

 

Fotografia e Arbërie Nagavci

Vizitë në shkollën “ Zenel Hajdini” në Tupallë të Medvegjës, në kuadër të vizitës në Luginë të Preshevës. (Shënim i deputetës Arbërie Nagavci)

Fotografia e Florentina B. Rama

Nga ana tjetër serbët në Kosovë gëzojnë jo vetëm të gjitha të drejtat, por dhe privilegje të shumta.
Përderisa Serbia ka investuar 500 milionë euro në vit për serbët e Kosovës, as Kosova e as Shqipëria s’kanë bërë asgjë as për fondin e përbashkët e as për përmirësimin e situatës së shqiptarëve këtu. Përkrahja për shqiptarët duhet të jetë e njëmendt, e planifikuar, e mbështetur financiarisht e me reciprocitet të plotë e jo me deklarata boshe, salloneve larg prej shqiptarëve të Preshevës, Bujanocit dhe Medvegjës.

 

Sot, në shkollën “ Zenel Hajdini” në Tupallë të Medvegjës, në kuadër të vizitës në Luginë të Preshevës.

*Teksti dhe fotot janë marrë nga profili i deputetës Arbërie Nagavci dhe at’dhetarës Lirona Zuka, në facebook./revistadrini.info/