Akili Gjakova shpallet kampion, mposht në finale xhudistin rus

Image result for Akili i Artë, mposht në finale xhudistin rus , shpallet kampion

Akil Gjakova ka arritur të triumfoj në finale të Grand Prixit që po mbahet në Budapest.Gjakova është shpallur kampion në kategorinë -73 kilogramë duke mposhtur xhudistin rus Georgil Elbakiev.

Në finale, Akil Gjakova u tregua shumë i fuqishëm për xhudistin rus Georgii Elbakiev, të cilën e mposhti për t’ia siguruar Kosovës medaljen e parë të artë në këtë garë.

Kjo është medalja e gjashtë për 23-vjeçarin në Turneun Botëror të IJF, ku përfshihen tituj të Masters, Grand Slams e Grand Prix. Ai më herët e kishte fituar të artën në Paris dhe në Zagreb, të dyja në vitin 2018. Ndërsa, tri medalje të argjendta i kishte fituar në Hagë, Abu Dhabi dhe Tunis, po ashtu të gjitha në vitin 2018.

Në këtë garë, Kosovën e përfaqësuan dje edhe tri xhudiste – Majlinda Kelmendi, Nora Gjakova dhe Distria Krasniqi. Këto dy të fundit ia fituan Kosovës nga një medalje të argjendtë, ndërsa Majlinda e mbylli garën pa medalje./fishmedia.info/